နဂါးနီစာအုပ်အသင်း

နဂါးနီစာအုပ်အသင်း

                           နဂါးနီဦးထွန်းအေး



နဂါးနီ စာအုပ်အသင်းကို ၁၉၃၇ ခု အတွင်း သခင်လူငယ် ခေတ်ပညာတတ်များက ဦးဆောင်၍ တည်ထောင်ခဲ့သည်။ နဂါးနီစာအုပ်အသင်းကို ၁၉၃၇ခုနှစ် နိုဝင်ဘာလ ၄ ရက်တွင် စတင်တည်ထောင်၍ ကိုနု (သခင်နု) က ငွေ ၅ဝဝ ကျပ်၊ ကိုထွန်းအေး (နဂါးနီ ဦးထွန်းအေး)က ငွေ ၅ဝဝ ကျပ်ဖြင့် မတည်ခဲ့သည်။ အတွင်းရေးမှူး အဖြစ် ကိုထွန်းအေးက ဆောင်ရွက် သည်။  စာအုပ် ရွေးချယ်ရေး တာဝန်ခံအဖြစ် ကိုနု၊ ကိုသန်းထွန်း (သခင် သန်းထွန်း)၊ ကိုစိုး (သခင်စိုး)တို့က တာဝန် ယူခဲ့သည်။ သခင်ချစ်၊ ကိုထွန်းရွှေ (နဂါးနီ ဦးထွန်းရွှေ)၊ သခင် ထိန်ဝင်း၊ တက်ဘုန်း ကြီး သိန်းဖေ (သိန်းဖေမြင့်)၊ မြို့မ ဆရာဟိန်တို့က ဝိုင်းဝန်း ကူညီသည်။ အသင်း၏ မူလတည်ရာမှာ အမှတ် ၁၅ဝ၊ စကော့ဈေး (ဗိုလ်ချုပ်ဈေး) ဖြစ်သည်။ နဂါးနီစာအုပ်အသင်းကို အင်္ဂလန်လက်ဝဲ စာအုပ်အသင်း (Left Book Club) ကို စံနမူနာယူ၍ ဈေးပေါပေါဖြင့် စာဖတ်နိုင်ရန် ရည်ရွယ်ခဲ့သည်။ ‘တစ်လ လျှင် ၁ဝ ပဲတန် သော့နှင့် ကမ္ဘာ့ဘဏ် တိုက်ကြီးကို ဖွင့်လော့’ဟု ကြွေးကြော်ကာ အသင်းသား စည်းရုံးသည်။

အသင်းသား များအား ၂ ကျပ်၊ ၂ ကျပ်ခွဲတန် စာအုပ်ကို ၁ဝ ပဲနှုန်းဖြင့် ရောင်းချမည်။ နဂါးနီ စာအုပ်အသင်းသား ဖြစ်လိုလျှင် ၆ လ အတွက် ၃ိ ၁၂ ပဲ၊ တစ်နှစ်အတွက် ၇၈ ပဲ ပေးသွင်းရ မည်။ အသင်းဝင်များသည် အခါအားလျော်စွာ အခမဲ့ပေးပို့သော စာအုပ်များ ရနိုင်သည်ဟု ကြော်ငြာခဲ့သည်။

၁၉၃၈ ခုနှစ်တွင် ရွှေတိုင်ညွန့်ရေး၍ ခင်မောင်ရင် သီဆိုသော နဂါးနီသီချင်းဖြင့် နဂါးနီစာအုပ်တိုက် ဖွင့်လှစ်ခဲ့ရာ နဂါးနီ အသင်းဝင်ပေါင်း ၅ဝဝဝ ခန့် ရှိသည်။ နဂါးနီစာအုပ်အသင်းကို အဓိက အားပေး ကူညီသော အဖွဲ့အစည်းများမှာ တို့ဗမာ အစည်းအရုံးနှင့် ကျောင်းသား သမဂ္ဂ အဖွဲ့အစည်းများ ဖြစ်သည်။

နဂါးနီဟူသော အမည်ကို ဒီးဒုတ် ဦးဘချိုက ပေးခဲ့ခြင်း ဖြစ်သည်။ သခင်နု နှင့် ကိုထွန်းအေးတို့မှာ စနေနံဖြစ်၍ ဗေဒင်ကိန်းခန်းအရ စနေနံနဂါးကို စနေနံ ‘နီ’ တစ်လုံးတိုး၍ နဂါးနီ အမည်ပေးခဲ့ခြင်း ဖြစ်သည်။

နဂါးနီ စာအုပ်အသင်း၏ ရည်ရွယ်ချက်မှာ -
၁။ ဝါဒစစ် ဝါဒမှန်ကို သဘော ပေါက်ပြီး စနစ်ကျစေရန်အတွက် အစီ အစဉ် ရှိစေရန်
၂။ လက်ရွေးစင် နိုင်ငံရေး ဗိုလ်မှူး စစ်ကဲများ ပေါ်ပေါက်လာစေရန်
၃။ နယ်ချဲ့စနစ်ကို အခြားတစ်ဖက်မှ တိုက်နေသူတို့၏ ခြေလှမ်း အင်အား စသည်တို့ကို ချင့်ချိန်နိုင်ရန်ဟု ဖော်ပြ ထားသည်။

နဂါးနီစာအုပ်အသင်းသည် ၁၉၃၈ ခုနှစ် ဧပြီလမှ စတင်၍ နဂါးနီသတင်း လစဉ် စာစောင် ထုတ်ဝေသည်။ အသင်း သားများကို အခမဲ့ ပေးဝေ၍ အသင်းသား မဟုတ်သူများကို ၃ ပဲနှင့်  ရောင်း သည်။ အယ်ဒီတာ ဦးထွန်းအေး ဖြစ်သည်။ စာ စောင်အတွက် အင်္ဂလိပ်အစိုးရက အာမခံ ငွေ ၅ဝဝ ကျပ် တောင်းခံရာ နိုင်ငံတစ်ဝန်းရှိ ကျောင်းသူ ကျောင်းသားများက မုန့်ဖိုး ထဲမှ ခွဲဝေ လှူဒါန်း၍ အာမခံ အခက်အခဲမှ ပြေလည် သွားသည်။၁၉၃၈ ခုနှစ် နိုဝင်ဘာလ ၂၉ ရက်တွင် နဂါးနီစာအုပ်တိုက် လီမိတက် တည်ထောင်၍ ခြေလျင်ဦးအုန်းခင်က စာအုပ်တိုက် မန်နေဂျာအဖြစ် တာဝန် ယူခဲ့သည်။ နဂါးနီစာအုပ်အသင်း မူလ တည်ထောင်သူတစ်ဦးဖြစ်သော ဦးထွန်း အေးမှာ နဂါးနီမှ ခွဲထွက်ပြီး မြန်မာပြည် စာအုပ်တိုက်နှင့် ဖြန့်ချိရေး ခွဲထွက် တည်ထောင်သည်။ မြန်မာပြည် စာအုပ် တိုက်မှာ နဂါးနီနှင့် စီးပွားရေး သီးခြား ဖြစ်သော်လည်း ထုတ်ဝေသည့် စာအုပ် အမျိုးအစား၊ စာရေးသူများမှာ နဂါးနီ တိုက်နှင့် တူညီနေ၍ နဂါးနီထုတ် စာအုပ်များနှင့် ရောနှောနေသည်။ သို့သော် နဂါးနီတိုက်ထုတ် စာအုပ်မှာ ယေဘုယျ အားဖြင့် စာအုပ်အဖုံး သို့မဟုတ် အတွင်း စာမျက်နှာတွင် ခွေနေသော နဂါးရုပ် ပါလေ့ရှိသည်။ အစောပိုင်းထုတ် စာအုပ် များတွင်မူ နဂါးရုပ်ပုံပေါ်၌ ‘ဒါ ဒို့မြေ ဒါ ဒို့ပြေ’ စာတန်း ပါသည်။

၁၉၃၉ ခုနှစ်တွင် နဂါးနီစာအုပ်တိုက် က စနေ နဂါးနီဂျာနယ်ကို နှစ်ပတ် တစ်ကြိမ် စနေနေ့တိုင်း ထုတ်ဝေသည်။ တာဝန်ခံ အယ်ဒီတာ ဦးထွန်းရွှေ (နဂါးနီ ကိုထွန်းရွှေ) ဖြစ်သည်။ အတိုင်ပင်ခံ အယ်ဒီတာမှာ သခင်နု၊ သခင်သန်းထွန်းတို့ ဖြစ်သည်။ နဂါးနီစာအုပ်တိုက်သည် ၁၉၃၇ ခုနှစ်မှ ၁၉၄၁ ခုနှစ် ဒုတိယကမ္ဘာစစ်မီး မြန်မာပြည် ကူးစက်လာချိန်ထိ လုံးချင်း စာအုပ် ၇၁ အုပ် ထုတ်ဝေခဲ့သည်။ နဂါးနီ စာအုပ်အသင်းက ပထမဦးဆုံး ထုတ်ဝေ ခဲ့သောစာအုပ်မှာ မောင်သိန်းဖေ (သိန်းဖေ မြင့်)၏ ‘ဦးလွန်း၊ မျိုးချစ် အာဇာနည်နှင့် သူပုန် စာရေးဆရာကြီး’ ဖြစ်သည်။ ဒီးဒုတ် ဦးဘချိုနှင့် မြို့မ ဆရာဟိန်တို့က နောက် ဆက်တွဲ ဖြည့်စွက်ချက် ရေးသား၍ မြို့မ ဆရာဟိန် တည်းဖြတ်သည်။ သခင် ကိုယ်တော်မှိုင်း အမည်ခံ ဆရာလွန်း၏ ဘဝနှင့်ပတ်သက်သော ဓာတ်ပုံများ ပါဝင် သည်။ ထို့ပြင်အတ္ထုပ္ပတ္တိရေးသူ သိန်းဖေ၏ ‘ရှေးခေတ် စာရေးဆရာ သူပုန်များ’ ဟူ သော နိဒါန်းသည် နောင်အခါ မြန်မာ စာပေ ဝေဖန်ရေးလောကတွင် ဂယက် များစွာ ထခဲ့သည်။ တည်းဖြတ်သူ မြို့မ ဆရာဟိန်၏ ‘ယခု ကိုသိန်းဖေ ရေးသား ထုတ်ဝေလိုက်သော စာဆိုကဝိ မျိုးချစ် ဆရာကြီး ဦးလွန်း၏ အတ္ထုပ္ပတ္တိမှာ ဦးလွန်း အသက်သွေးခဲ တည်မြဲလျက် ရှိနေစဉ် ရေးသား ထုတ်ဝေလိုက်သော အကြောင်း အရာများဖြစ်၍ နောင်လာနောင်သားတို့ အမှတ်အသား လွဲမှားဖွယ် အကြောင်း မရှိတော့ချေ’ ဟူသော မှတ်ချက်ကို အကြောင်းပြု၍ ၁၉၃၈ ခုနှစ်တွင် ဂဠုန် စာအုပ် ကလပ်က သိရိန္ဓရပဏ္ဍဍိတ သာမဏေ ရေး၍ ဘိက္ခုကောသလ္လ တည်းဖြတ်သော ‘သခင်ကိုယ်တော်မှိုင်း အတ္ထုပ္ပတ္တိ အမှားပုံ’ ထွက်ပေါ်ခဲ့သည်။

၎င်းစာအုပ် အသင်းသည် အင်္ဂလန်နိုင်ငံရှိ ဆိုရှယ်လစ် စာပေ ထုတ်ဝေသော စာပေတိုက်များနှင့် ဆက်သွယ်ပြီး မြန်မာနိုင်ငံ အတွင် အမျိုးသား စိတ်ဓာတ် လှုံ့ဆော်ရေး စာပေနှင့် တိုးတက်သည့် အယူအဆ ပါသော နိုင်ငံရေး စာပေများကို ထုတ်ဝေခဲ့သည်။ မြန်မာ လူငယ်များ နိုင်ငံရေး အသိတရား နိုးကြားရေးနှင့် အမျိုးသား လွတ်မြောက်ရေး အတွက် တော် လှန်ရေး စိတ်ဓာတ် ပေါ်ပေါက်စေသည့် စာအုပ်များကို အများဆုံး ထုတ်ဝေခဲ့သည်။ နဂါးနီဂျာနယ်၊ ကား(လ်)မတ်ဝါဒ၊ ကျောင်းသား အရေးတော်ပုံ၊ ကျွန်ုပ်၏ စွန့်စားခြင်း၊ ကျွန်ုပ်နှင့် မိုက်ကယ်ကောလင်း၊ ဆိုရှယ်လစ်ဝါဒ၊ ဆိုရှစ်လစ်ဝါဒနှင့် နိသျှည်း၊ ဆိုဗီယက် ဒီမိုကရေစီ ကိုယ်တွေ့များ၊ ဓနရှင်ဝါဒ၊ ဒီဗလာရား၊ ဒေါက်တာ ဂျိုးဇေရီဇော်၊ ပြည်သူ့အာဏာ ပထမတွဲနှင့်   ပြင်သစ် အရေးတော်ပုံ၊ လူမွဲတို့၏ ထွက်ရပ်လမ်း၊ လွတ်လပ်ရေးတိုက်ပွဲ၊ လက်ငင်း တို့တာဝန်၊ အလုပ်သမားလောက၊ အိုင်းရစ် အရေးတော်ပုံ၊ အိုင်းရစ် အာဇာနည်တို့မှာ ထင်ရှားသော နဂါးနီထုတ် စာအုပ်များ ဖြစ်ကြသည်။ ထို့ကြောင့်လည်း မြန်မာ တိုင်းရင်းသားတို့ နိုင်ငံရေး အသိတရား နိုးကြားစေရန်နှင့်  သဘောတရားများ ပြည်သူလူထု အတွင်း ပျံ့နှံ့အောင် အများဆုံး ဖြန့်ဖြူးပေးသည့် စာအုပ်အသင်း အဖြစ် မြန်မာ့သမိုင်းတွင် ထင်ရှားသည်။

၂၀ဝ၀ ခုနှစ်မှာ တတိယ အကြိမ်အဖြစ် တက္ကသိုလ်များ သမိုင်း သုတေသန ဌာန၊ ဂျီအီးစီ (ပညာရေး) သမဝါယမ အသင်းက ပုံနှိပ် ထုတ်ဝေလိုက်တဲ့ မြဟန်ရဲ့ ‘ကိုလိုနီခေတ် မြန်မာ့ သမိုင်း အဘိဓာန်’ မှ “နဂါးနီ စာအုပ်အသင်း (၁၉၃၇)” အကြောင်းကို ပြန်လည် ကူးယူ ဖော်ပြလိုက်တာ ဖြစ်ပါတယ်။

  (နဂါးနီဦးထွန်းအေး၏မြေးတော်စပ်သူ-သက်ထားဗသိန်းတင်မှပြန်လည်စုစည်းတင်ပြပါသည်)